top magazine (152 Posts)


新年好多鋪頭都已經收曬爐,咁除咗拜年仲有咩做?唔一定要屈喺屋企睇第198765432次嘅家有喜事,識睇一定出街睇戲!今年新年,有好多賀歲片,你想搵靚仔吳君如又得,想同cool魔一齊過新年亦得,得咗!

新年笑爆嘴 《金鴨》首推

唔好以為哩套係改咗名嘅《鴨王》!哩套片好老少咸宜,最啱新年一家大細笑餐飽!呢套戲係講昔日風靡一眾女士的鴨界萬人迷張近萊 Future(吳君如 飾)當年因受到感情重創,避走了泰國頹廢過活。幸得到好友魯老師的激勵,他決定回到香港,並找到健身教練 Rocky相助重練鋼條身型,雄心壯志要在鴨界重振雄風! 然而 Future 意想不到,香港數年人事幾番新,就連鴨店也都有著大大的變化!他賺女人錢的地方已由從前的夜場變成了現在的安老院、內有乾坤的泰式菜館等…面對環境轉變,Future 帶住鴨仔狄偉、流雲、金融陳迎難而上,盡全力配合客人各式各樣的要求,為她們送上了快樂。

主演: 吳君如 及一眾巨星好友!
導演: 鄒凱光
片長: 84分鐘
級別: IIB
種類: 喜劇
上映: 大年初一2月19日

浪漫愛情 《衝上雲霄》

「天氣不似預期,但要走總要飛…」聽返呢首歌真係好掛住Sam哥!唔洗心掛掛喇,Sam哥同Cool魔都喺戲院等緊你!最新嘅哩套衝上雲霄仲有埋型仔古天樂添,真係一次過滿足哂三個願望!呢次《衝上雲霄》係講年青機師Branson(古天樂飾),另一身分是富商兒子,從爸爸手上接管生意後,全力打理Skylette天頌航空。他對公司的空中服務員Cassie(佘詩曼飾)照顧有加,原來二人是前度關係,數年前Branson因要往紐約接管家族生意,只好無奈跟她暫別,但其實大家心中都一直有對方,只是沒有宣之於口。為幫公司建立新形象,Branson邀請Rock Star TM(鄭秀文飾)拍攝宣傳片,並由Sam擔任拍攝時的飛行顧問,碰巧二人早前為航班誤點有過磨擦,令見面時非常尷尬,但過程中竟又互相發現對方的優點,暗生情愫。顧夏陽Jayden(張智霖飾)為接受待遇更佳的私人機師一職,離開天頌。一次航程,遇上年輕活潑的女子Kika(郭采潔飾),起初只覺得她是貪圖金錢、任性妄為的女子,但性格吻合又令兩人火速戀上,正當愛得纏綿之際,Jayden得悉原來奉行及時行樂的Kika的背後另有原因……三段感情,發展都不似預期,但原來只要明白到世事再沒完美,能夠在歲月如歌中找到快樂便已足夠。

導演 :葉偉信, 鄒凱光
演員 :古天樂, 吳鎮宇, 張智霖, 鄭秀文, 佘詩曼, 郭采潔
片長 :1小時40分
級別 :IIA 級
語言 :粵語
上映 : 14.2.2015 (優先場)
19.2.2015 (公映)

《賭城風雲2》瘋狂睇發哥

最近大家都好想野生捕獲發哥,其實發哥一早已經喺戲院等緊你!由發哥主演嘅《賭城風雲2》講澳門賭俠石一堅(周潤發飾演)協助國際刑警大破洗錢集團DOA後便退隱江湖,可是DOA首席會計師小馬(張家輝飾演)從網上盜取DOA一百伍十億美元,與女兒初一(王詩齡飾演)潛逃泰國。堅之大弟子阿樂(余文樂飾演)加入國際刑警,並邀請堅協助捉拿DOA真正幕後主腦蒼井女士,兩人前赴泰國尋找小馬成為控方證人,追查過程中堅重遇了一生最愛的莫愁(劉嘉玲飾演)…

導演 :王晶
演員 :周潤發, 張家輝, 劉嘉玲, 余文樂, 王詩齡
片長 :1小時50分
級別 :IIB 級
語言 :粵語 (中英文字幕)
上映 : 13.2.2015 (優先場)
18.2.2015 (公映)

最後的保全叔 《STAND BY ME: 多啦A夢》

隨住保全叔嘅離開,多啦A夢今次真係要走喇!某年夏天,野比大雄遇見來自未來的曾曾孫世修及機械貓多啦A夢,更向他預告日後結婚的情形,以及禍害數代的連環不幸事件。為了扭轉命運,多啦A夢被委以重任,留在身邊大雄身邊,用上百寶袋、時光機、隨意門、豆沙包、竹蜻蜓等經典道具協助他。隨著大雄成長,漸漸獲得勇氣和幸福,未來的命運產生變化之時,多啦A夢竟然要回到未來?

導演 :山崎貴, 八木龍一
演員 :–片長 :1小時35分
級別 :I 級
語言 :粵語
上映 : 7.2.2015 (優先場)
19.2.2015 (公映)

動作巨獻 《皇家特工:間諜密令》

識睇一定睇動作班底!呢套戲係講蜚聲江湖的【皇家特工】神秘特務組織,向來挑人嚴謹,只會篩選精英中的精英參與特訓,直至頭目Harry(哥連費夫)最新的特別決定──毅然找來一個壞透反叛但潛質十足的「兜茂」青年Eggsy加入團隊!此舉當然極具爭議,Harry怎樣把他重新改造,成為傳說中的金牌特務?高科技的惡霸天才即將威脅全球,【皇家特工】是時候駛出最強獨門絕技,替天行道!

導演 :馬菲域肯
演員 :哥連費夫, 米高堅, 森姆積遜
片長 :2小時9分
級別 :IIB 級
語言 :英語 (中文字幕)
上映 : 10.2.2015 (優先場)
12.2.2015 (公映)

可愛小企鵝 《荒失失企鵝》

今個新年,除咗可以揀多啦A夢,仲可以揀可愛嘅企鵝陪你過年!《荒失失企鵝》有當奴, BOB, 鄭欣宜, 泰臣嘅爆笑配音,講瘋狂企鵝團隊,包括隊長、高華斯基、力高、卒仔,首度擔任主角,觀眾們肯定驚喜萬分!這四隻黑白相間彷如穿著「踢死兔禮服」的鬼馬企鵝仔,為了捍衛族群存亡,竟然踏上史無前例的刺激間諜冒險旅程。

導演 :艾力登奴, 西蒙史密夫
演員 :
配音:當奴, BOB, 鄭欣宜, 泰臣
片長 :1小時32分
級別 :I 級
語言 :粵語
上映 : 14.2.2015 (優先場)
19.2.2015 (公映)