top magazine (152 Posts)


由「掌賞娛樂」主辦、《FWD富衛 鄭中基PLAY IT AGAIN世界巡迴演唱會》自從完成澳門首站後,Ronald鄭中基馬上宣佈成功攞到紅館檔期,於2017年1月28、29日,即大年初一及二舉行兩場入行20周年演唱會。

uri_mr1477920891814

對上一次紅館個唱已經是2006年十年前,歌迷或許餓歌太久,所以信用卡優先訂票一開售,火速在3小時內全數售罄。歌迷反應熱列,Ronald現 決定公佈好消息:「非常非常多謝大家支持!和製作單位商量後,決定加開一場,日子係1月27日年三十晚,信用卡優先訂票會於明天(11月2日)發售。至於公開發售門票時間可以留意我Facebook及主辦方公佈。

 

Ronald笑言,現在欠下一身飛債,加場都擔心還唔晒,事關由他一開始宣佈要在香港開演唱會,不斷收到親朋戚友來電要訂飛,說:「我自己都好手緊,有想過上網幫朋友㩒飛,但想到同歌迷一齊上網爭,我又唔忍心!現在每日接電話都好緊張,會想好用什麼原因回朋友免大家失望,希望加咗場,自己夠分。」

IMG_2083 (1)

另一個解決辦法,Ronald決定將分飛重任交托太太余思敏,說:「近日朋友打俾我,我都講唔好意思,演唱會飛太太全權負責,大家聯絡她吧!」而提到囡囡Emma,Ronald指她已開始籌備上台做爸爸個唱特別嘉賓,他說:「Emma有少少音樂天份,會自己作歌仔填埋詞,同我一樣已開始為演唱會在揀歌,就像一個專業歌手,每日都會改變主意要唱另一首,所以到時會唱什麼歌,要上台一刻才知曉。」